“Өсөлттэй Өмнөговь” хөтөлбөрийн хүрээнд эрүүл мэндийн салбарт эмч, эмнэлгийн мэргэжилтнүүдийн чадавхыг бэхжүүлэх, оношилгоо, эмчилгээний чанарыг сайжруулах , шаардлагатай тоног төхөөрөмжийг үе шаттайгаар шийдвэрлэх зорилт амжилттай хэрэгжиж байна.

Энэ хүрээнд Өмнөговь аймгийн Бүсийн Оношилгоо Эмчилгээний Төв нь орон нутгийн төсвийн 252.000.000 сая төгрөгийн санхүүжилтээр сүүлийн үеийн "Mindray NX07" загварын зөөврийн ЭХО аппаратыг хүлээн авч, тусламж үйлчилгээний чанарыг шинэ түвшинд хүргэж байна.

Уг төхөөрөмж нь зүрхний болон эмэгтэйчүүдийн нарийвчилсан оношилгоо хийх боломжтой, авсаархан, зөөврийн шийдэлтэй тул алслагдсан бүс нутгийн иргэдэд түргэн шуурхай, газар дээр нь үзлэг хийх боломжийг бүрдүүлж байна.