Засгийн газрын өнөөдрийн хуралдаанаар нийслэлийн Засаг даргын томилгоотой холбоотой асуудлыг хэлэлцээд, Хууль зүй, дотоодын хэргийн сайд Х.Нямбаатарыг дараагийн даргаар томилох шийдвэр гаргасан гэж ЗГХЭГ-ын дарга Д.Амарбаясгалан сэтгүүлчдэд мэдээллээ.

Энэхүү томилгоотой холбогдуулж Х.Нямбаатар нь УИХ-ын болон Засгийн газрын гишүүний үүрэгт ажлаасаа чөлөөлөгдөнө. Өнөөдөр хуралдах МАН-ын Удирдах зөвлөлийн хуралдаанаар хотын даргын асуудлыг мөнхүү хэлэлцэнэ. Үүний зэрэгцээ Хууль зүй, дотоод хэргийн сайд болон Нийслэл Улаанбаатар хотын авто замын түгжрэлийг бууруулах үндэсний хорооны даргын орны хүний асуудлыг хэлэлцэнэ гэж ЗГХЭГ-ын дарга мэдэгдэв.