Жил бүрийн 10-р сарын 1-нд болдог Ахмадын баярын өдрийг тохиолдуулан Тавантолгой түлш компанийн удирдлагууд тэтгэвэрт гарсан ахмадууддаа болон 60 наснаас дээш настай ахмад ажилтнууддаа хүндэтгэл үзүүллээ.

Тавантолгой түлш компани өнгөрсөн 5 жилийн ажил үйлсээ дүгнэж, ирээдүйн зорилго, зорилтоо тодорхойлж буй энэ өдрүүдэд компанийн дэргэд Ахмадын зөвлөл байгуулагдаж компанийн хөгжил дэвшлийн төлөө мэдлэг, туршлага, ур чадвараа зориулахаар ажиллаж байна.

Ахмадын зөвлөл одоогоор 25 хүний бүрэлдэхүүнтэй бөгөөд үйл ажиллагаа явуулах дүрэм журмыг боловсруулж, ирэх оны ажлын төлөвлөгөө гаргаж байна.