Шуурхай мэдээ
БУДЦГХЗ:ҮЕРИЙН ЭРСДЭЛТЭЙ БҮСЭД ҮЕРИЙН ДАЛАН, НОГООН БАЙГУУЛАМЖ, НИЙТИЙН ЭЗЭМШЛИЙН ТОХИЖИЛТЫН АЖИЛ ХИЙХ САНАМЖ БИЧИГ БАЙГУУЛЛАА.
Богдхан уулын дархан цаазат газрын Хамгаалалтын захиргааны дарга Н.Ганзориг, Нийслэлийн Хан-Уул дүүргийн Засаг даргын тамгын газрын дарга С.Энхбаяр нар хамтран ажиллах санамж бичиг байгууллаа.
Тус санамж бичгийн агуулга нь Богдхан уулын дархан цаазат газрын Богины аманд үерийн аюултай бүсэд зөвшөөрөлгүй буусан 28 айлыг Хан-Уул дүүргээс нүүлгэн шилжүүлэх ажлыг зохион байгуулж, дүүргийн хөрөнгө оруулалтаар тус газарт нийтийн эзэмшлийн талбай, ногоон байгууламж, үерийн далан барих ажилд хамтран ажиллах юм. Мөн БОАЖ-ын сайдын тушаалаар тус газарт дахин газар олгохыг хориглоод байна.
Сүүлийн жилүүдэд Нийслэл Улаанбаатар хотын тэлэлттэй холбоотойгоор Богдхан уулын дархан цаазат газрын хязгаарлалтын бүсэд /Нисэх, Яармаг/ оршин суугчдын тоо ихээр нэмэгдэж, дэд бүтцийн тоог нэмэгдүүлэх /сургууль, цэцэрлэг, цэцэрлэгт хүрээлэн, спортын талбай/, төрийн үйлчилгээг иргэдэд ойртуулахад чиглэсэн бодлогыг БОАЖЯ болон Хамгаалалтын захиргаанаас барьж байна.
Таны сэтгэгдэл
0
0
0
0
0
0
Зөв
Тэнэглэл
Харамсалтай
Савж уналаа
Буруу
Гайхмаар
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
