Тавантолгой түлш ХХК-ийн Хэрэглэгчдэд үйлчлэх төв гэр хорооллын амьдралын боломж тааруу айл өрхүүдэд хүнс, шахмал түлш зэргийг хандивлах сайн үйлсийн аяныг эхлүүлжээ. Энэ аяныг компанийн Захиргаа удирдлагын газрын ажилтан, албан хаагчид дэмжиж “Хамтдаа хайр бэлэглэе” аяныг компанийн бусад газар хэлтэсүүдэд уриалга гаргаж #CHALLENGE -ийг эхлүүлсэн гэнэ. Цугласан хандиваар нийслэлийн төвийн зургаан дүүргийн хэмжээнд 23 айл өрхөд хоол хүнс, шахмал түлшний дэмжлэг үзүүлэх бөгөөд энэхүү сайн үйлсийн аян нь “Өвлийг өнтэй давъя” аяны үргэлжлэл ажээ.