Сүүлийн жилүүдэд эрчимтэй хөгжиж байгаа цахим спортын нэг төрөл болох 2К сагсан бөмбөгийн төрлөөр хичээллэгч залуусыг дэмжих, ур чадварыг хөгжүүлж олон улсын хэмжээнд амжилттай өрсөлдүүлэх зорилгоор Монголын Цахим Сагсан бөмбөгийн Холбоо байгуулагджээ. Тус холбооноос зохион байгуулах гэж буй Монголын анхны Цахим Сагсан бөмбөгийн лигийн танилцуулах өдөрлөг өнөөдөр болж өнгөрлөө. Тус лигт Монголын сагсан бөмбөгийн дээд лигийн багууд өөрсдийн цахим багийг оролцуулах хүсэлтээ ирүүлээд байгаа бөгөөд үзэгчдэд тун сонирхолтой хэлбэрээр зохион байгуулж UNISPORTS сувгаар шууд дамжуулагдах юм байна. Арга хэмжээний хүрээнд МЦСБХ-ноос Монголын цахим шигшээ багийг танилцуулсан бөгөөд шигшээ баг маань тун удахгүй ДАШТ-ий урьдчилсан шатны шалгаруулалтын тоглолтуудад оролцож эхлэх хуваарьтай байгаа байна.