Баруун үйлдвэрийн Засварын хяналтын инженер

“Би дөрвөн хүүхдийн аав. Яг л миний хүүхдүүд шиг олон зуун мянган хүүхэд Улаанбаатар хотод амьдарч байгаа. Бид амьсгалах нэг агаартай.

Хүний хийж байгаа ажилд итгэл үнэмшил чухал гэж би боддог. Өөрөөр хэлбэл, юуны төлөө ажиллаж байгаагаа тунгааж байх хэрэгтэй. Мэдээж ажилтай, орлоготой байж сайн сайхан амьдрахын төлөө бид бүгдээрээ хөдөлмөрлөдөг. Гэхдээ үүний цаана дахиад утга учир бий.

Тэр бол миний хувьд Улаанбаатар хот өглөө бүр цэвэр агаарт сэрээсэй гэсэн хүсэл. Нэг ч гэсэн хүүхэд агаарын бохирдлоос болж өвчлөхгүй байвал түүнд Та бидний хувь нэмэр бий гэж итгэнэ. Хийж буй ажлаасаа авч болох эд мөнгөөр хэмжишгүй сэтгэл ханамж энэ юм.”

Таван Толгой Түлш ХХК