Байгаль орчин, аялал жуулчлалын яам, Эрчим хүчний яам, Орчны бохирдлыг бууруулах үндэсний хороо, НЗДТГ, Нийслэлийн Агаар, орчны бохирдолтой тэмцэх газар, “Таван толгой түлш” ХХК-ийн төлөөллүүд хамтран 2022-2023 оны өвөлжилтийн бэлтгэл хангах, санал солилцох, зөвлөлдөх уулзалтыг өнөөдөр зохион байгуулав.

Тус уулзалт нь ирэх өвөл нийслэлчүүдийг өнтэй, дулаахан өвөлжүүлэх бэлтгэл ажлын явцтай танилцах, чиглүүлэх, сайжруулсан шахмал түлш борлуулагч, түлшний тээврийн компаниудын саналыг сонсох, дэвшилтэт техник, технологийг нэвтрүүлэх, цаашид хийж хэрэгжүүлэх ажлын төлөвлөгөө, тулгамдаж буй асуудлаа иргэд олон нийттэй нээлттэй ярилцаж, гарч шийдлээ хэлэлцэн зөвлөлдөв.