Улсын онцгой комиссын өнөөдөр хуралдаж, гамшгаас хамгаалах хэсэгчилсэн өндөржүүлсэн бэлэн байдлын зэрэгт шилжүүлсэн хугацааг есдүгээр сарын 15-нд дуусах байсныг ирэх аравдугаар сарын 31 хүртэл сунгахаар санал гаргасан билээ. 

-Засгийн газрын өнөөдөр 14.00 цагт ээлжит бус хуралдаан зарлаж, өндөржүүлсэн бэлэн байдлыг нэг шат бууруулах асуудлыг хэлэлцсэн юм. Хуралдаанаар өндөржүүлсэн бэлэн байдлыг ирэх аравдугаар сарын 31 дуустал сунгахаар болжээ. 

- Гэрийн тусгаарлалтын 14 хоногийг хүчингүй болгож, зөвхөн тусгаарлах байранд 21 хоног тусгаарлахаар болжээ.

- Есдүгээр сарын 21-нээс улс даяар ЕБС-иуд танхимаар хичээллэхээр боллоо.

- Хоёр настай хүүхдүүдийг цэцэрлэгт хамруулах орчныг бүрдүүлэхийг бүх шатны байгууллагуудад үүрэг болгожээ.

- Есдүгээр сарын 16-наас эхлээд урлаг, спортын бүх арга хэмжээ хэвийн горимд шилжиж байна. Бүхий л үйлдвэр үйлчилгээний арга хэмжээ мөн 16-наас эхлэн хэвийн горимоор үйл ажиллагаагаа явуулна. Ингэснээр нийслэл, аймгуудын онцгой комисс хуралдаж тухайн аж ахуйн нэгжийн халдваргүйжүүлэлтийн зөвлөмж хүргүүлж хамтарч ажиллана.