Аав, ээжүүдээ! Хүүхдүүддээ угаарын хийн шинж тэмдэг хэрхэн илэрдэг талаар зөвлөгөө өгөөрэй!

Угаарын хийн хордлогоос сэргийлж иргэд гэртээ угаарын хийн мэдрэгч тавих, агаарын солилцоог сайн явуулах нөхцөлийг бүрдүүлэх, зуух ашигладаг бол яндан, зуухыг сайн хөөлж утаа гаргах замыг чөлөөтэй болгох хэрэгтэй. Өвөлд дулаанаа алдахаас сэргийлж цонх, хаалгаа хаан агаарын солилцоо явуулахгүй байх нь угаарын хий үүсгэх эх сурвалж болдог.

Мөн угаарын хийн хордлогыг ханиад томуутай андуурах тохиолдол байдаг. Ханиад томуу, хордлогын үед толгой өвдөх, ядарч сульдах, амьсгаадах, дотор муухайрах зэрэг адилхан шинж илэрдэг. Тиймээс иргэд эрүүл мэндийн боловсролоо дээшлүүлж, цаг алдахгүй арга хэмжээ авч, шаардлагатай үед эмчид хандах хэрэгтэй.