“Playtime-2021” хөгжмийн фестиваль аравдугаар сарын 2-ны өдөр болох бөгөөд 2002 онд анх үүсгэн байгуулагдаж, эдүгээ 20 дахь жилдээ зохион байгуулагдах гэж байгаа уг наадам нь энэ жилийн тухайд цахимаар болж байгаагаараа онцлог бөгөөд өөрийн албан ёсны Facebook болон Youtube сувгаар 18:00 цагаас нээлтээ хийх ажээ. Найман цагийн турш үргэлжлэх уг наадам нь PT Stage, PT Basement, PT+, PT Tribute to Nisvanis 25th anniversary гэх дөрвөн хэсэгтэй гэнэ.

Playtime наадмын зохион байгуулагчдын өгсөн мэдээллээр "Өнгөрсөн жил мөн нөхцөл байдалтай холбогдуулан  иргэдийн худалдан авсан тасалбар албан ёсоор 2021 онд шилжиж, хүчин төгөлдөр үйлчилнэ" гэв. Иймээс "Playtime 2020" наадмын тасалбар худалдан авсан хүн бүрд 2021 оны шинэчилсэн тасалбарыг и-мэйлээр хүргүүлсэн байна. Энэ нь мөн ирэх жил рүү шилжих боломжтой юм байна.