Сүүлийн 24 цагт улсын хэмжээнд 10,652 хүнд шинжилгээ хийхэд 377 хүний хариу эерэг гарчээ.

Ингэснээр нийт халдварын тоо 8447 болж сүүлийн 24 цагт 95 хүн эдгэрч, эмнэлгээс гарчээ. Өнөөдрийн хэвлэлийн мэдээгээр халдварын улмаас хоёр хүн нас барсан талаар мэдээллээ. Тодруулбал, биеийн байдал маш хүнд, ХӨСҮТ-д эмчилгээ хийлгэж байсан 69 настай болон 84 настай хоёр иргэн өнгөрсөн шөнө вирусийн улмаас нас барсан байна.

Өнөөдрийн байдлаар Төв, Орхон, Өмнөговь аймаг болон нийслэлд 9437 хүнд вакцин хийснээр улсны хэмжээнд энэ сарын 30-ний байдлаар, нийт 300 366 хүнийг вакцинд хамруулаад байна. Энэ нь зорилтот буюу дархлаажуулах хүн амын 15.2 хувийг эзэлж байна.

Дархлаажуулах ажлын явцад урвал хүндрэл гарч байгаа эсэхэд хяналт тавьж байгаа бөгөөд одоогоор ноцтой урвал хүндрэл бүртгэгдээгүй аж.