Дуучин Т.Дэлгэрмөрөн цахим хуудсандаа хөөрхөн Д.Зөөсийхөнийгээ хайртай дуучинтай нь уулзуулсан талаар нийтэлжээ. 

Тэрээр: Өдрийн мэнд хайртай ах дүүс минь.

Хүүхдүүдийн хүсэл мөрөөдлийг биелүүлж дотоод сүнслэг ертөнцийг нь гэрэлтүүлж аура энергийг нь цэвэрлэнэ гэдэг маш чухал зүйл шүү. Энэ бүхнийг мэдээж аав нь ганцаараа хийх боломжгүй. Дуучин ахынхаа хүслийг дэмжиж хайраа түгээсэн АM-C уран бүтээлчдээ цаашдын уран бүтээлд нь өндрөөс өндөр амжилтыг хүсэн ерөөе.

Энэхэн хооронд анх "НоминТалст" хамтлагтайгаа охид залуусын зүрх сэтгэлийг эзэмдэж явсан ганган дурсамжаа саначихлаа. Оюутан цагийн хичээл тараад л ирэхэд байшингийн ханан дээр балаар палмастераар зөндөө захиа биччихсэн байдаг байж билээ. Аав намайг загнаад л би гэдэг хүн чинь хараалаа урсгаад л ханаа угаадаг байж билээ, өнөөх нь арилна аа гонж гхгхгх. Гэтэл одоо үеийнхэн ондоо болжээ хөөрхөн юм аа.

Заа за тэвчээрийн туйл үзэсгэлэнт үрийнхээ хүсэл мөрөөдлийг биелүүлж жинхэнэ охидын өдрийг нь баярын нулимстай нь угтаж үдлээ. Энэ бүхний цаана миний хайртай дүү цоглог уран бүтээлч "КИВИ" Ука маань байлаа. Хөөрхөн дүү минь Зөөсийгөө эхийн ачлал шиг хайрлаж өхөөрдсөнд ах нь зөндөө баярлалаа бас сэтгэл амарлаа.

Нээрээ л хөөрхөн залуу юм байна АM-C гэдэг нь гхгхгх. Тэр дандаа охидыг магтан дуулдаг аргаггүй crush-лахгүй байхын аргагүй юм байна. Би бүр ийм гоё сэтгэл догдлолыг мартах нь дөхсөн байна. Буцаад хурдхан шиг шинэ дуу хуураа гаргаад хядаад өгье л дөө Дээгий нь. Бас жаахан турна аа гэж байгаа гхгхгх.

Шинэ дуунууд маань үнэхээр байлдан дагуулах байх. Би энэ уран бүтээлүүдээрээ 3 дахь удаагаа дэлхийг тойрох болно. "Би чадна чадсаар ч ирсэн юм" гэжээ.