Өнгөрсөн 24 цагийн хугацаанд 21 мянга 626 хүнд PCR шинжилгээ хийхэд 67 хүнээс коронавирус илэрсэн байна.

Нийт илэрсэн халдварын 62 нь өмнөх тохиолдлуудын ойрын хавьтал бол 5 халдварын эх үүсвэрийг тодорхойлж байна. Шинээр илэрсэн тохиолдлуудын 63 нь Улаанбаатарт бүртгэгдсэн бол 4 тохиолдол нь Төв аймгийн Зуунмод хотоос илэрчээ. Нийслэлд илэрсэн тохиолдлуудыг дүүргээр задалбал, БЗД-20, СХД-4, БГД- 13, ХУД-17, СБД -5, ЧД- 4 хүн тус тус бүртгэгдсэн байна. Сүүлийн 24 цагт 58 хүн эдгэрч эмнэлгээс гарлаа. Шинэ он гарснаас хойш 1 сая 960 814 хүнд коронвирусний шинжилгээ хийлгэжээ. Улсын хэмжээнд “Ковид-19” халдвар батлагдсан тохиолдол 3228 хүн байгаа бол үүнээс 78,6 хувь буюу 2539 хүн эдгэрсэн байна.  Улаанбаатар хотод нийт халдвар батлагдсан тохиолдол 2374 байна гэж ХӨСҮТ-ийн тандалт судалгааны албаны дарга Ж.Байгалмаа мэдээлэв.