"Чингис Хаан" одонт, MУГЖ дуурийн дуулаач Г.Ариунбаатар "Гала концерт"-д дуулахаар Москва хотыг зорьжээ.

Тэрээр цахим хуудаснаа: "Хамгийн түгээмэл гар барин мэндчилдэг газар Орос байх. Цар тахлын энэ үед ч хээв нэг гар гараа барьж мэндчилээд л явна! Тэр олон хүн байхад барихгүй гэлтэй биш! Өвчин юу ч байхгүй болсон юм шиг л байна энд. Таатай ч юм шиг. Олон сараар тайзан дээр гараагүй би жаахан гэрэвшингүй, гэхдээ л санасан байна догдлоод л. ОХУ-н БХЯ-наас жил бүр зохион явуулдаг #галаконцерт-д дуулах гээд Москва хотноо ирээд байж байна! Москвагын цагаар өнөө орой 21:20-цагаас Первый канал ОРТ сувгаар шууд дамжуулна! Сонирхсон нэг нь үзнэ биз ээ. Харин маргааш Питер руугаа буцна! Театрдаа очиж бэлтгэл сургуулилтаа эхлүүлнэ! Ажил их байна ай" гэжээ.