Өнгөрсөн онд болон энэ оны эхээр амьсгалын замын өвчлөл 5 дахин буурсан үзүүлэлт гарчээ.

Нийгмийн эрүүл мэндийн интервенци буюу хөл хорио, гар угаах, амны хаалт зүүх, зай барих дэглэмийн үр дүн гэдгийг Эрүүл мэндийн сайдын зөвлөх О.Чимэдсүрэн ЭМЯ-наас хийсэн мэдээллийн үеэр танилцууллаа.

Амьсгалын тогтолцооны өвчин 10 мянган хүн ам тутамд 2017-2019 онд 55-66 хувь нь эмнэлэгт хэвтдэг байсан бол 2020 онд 12 хувь буюу 5 дахин буурсан байна.

Уушгины хатгаагаар мөн хугацаанд 30-38 хувь нь эмнэлэгт хэвтдэг байсан бол, 2020 онд энэ үзүүлэлт ердөө 3 хувь болж, 10 дахин багассан байна.

Түүнчлэн Засгийн газар, ЭМЯ-наас "COVID-19"-тэй зэрэгцэн томуу, томуу төст өвчин идэвхжихээс урьдчилан сэргийлэн 2020 онд томуугийн вакцинд 600 мянга орчим зорилтот бүлгийн иргэдийг хамруулсан нь ихээхэн үр дүнгээ өгсөн гэж үзэж байна.