Сүүлийн өдрүүдэд Таван толгой түлш компанийн 25кг-аар савласан сайжруулсан шахмал түлшний гаднах уутны хэмжээ багассан талаар иргэд цахим орчинд сэтгэгдэл үлдээх болсон. 

Таван толгой түлш компанийн Хэвлэлийн төлөөлөгч Ш.Батсуурьтай холбогдож сайжруулсан шахмал түлшний уут багассан гэсэн мэдээллийг тодрууллаа. 

Сайн түлшний түгээмэл борлуулагддаг 25кг-ын түлш цэнхэр өнгийн зөвлөмжтэй шинэ шуудайнд савлагдан хэрэглэгчдэд хүрч байна. Шуудайны өнгө үсэг загварт бага зэрэг өөрчлөлт орсон боловч дотор нь байгаа түлшний хувьд жин чанар хэмжээ урьдын адил хэвээр юм. Тиймээс иргэд савлагаа багассан гэж буруу ойлгож болохгүй юм. Иргэд түлшээ авахдаа эргэлзээ төрвөл худалдан авсан борлуулалтын цэг дээрээ жинлүүлж авч болно гэлээ.