Өчигдөр буюу нэгдүгээр сарын 2-нд 5807 хүнд шинжилгээ хийж, коронавирусийн 21 тохиолдол бүртгэгдсэн байна.

Эдгээр нь Баянзүрх дүүрэг болон ХСҮТ-д дэгдсэн халдварын тохиолдлуудын хавьтал бөгөөд бүгд ажиглалт тусгаарлалтад байсан байна. Халдвар авсан нь батлагдсан хүмүүсийн 2-3 дахь шинжилгээгээр коронавирус илэрсэн. Харин бусад голомтод халдвар нэмэгдээгүй хэмээн ЭМЯ-аас мэдээллээ. Монгол Улсад ковид-19-ийн батлагдсан 1263 болж, үүнээс 869 хүн эдгэрээд байгаа юм.