Китти Кангингэм бүсгүй бол MRKH-ын синдром гэх ховор өвчнөөсөө болж төрөлхийн умайгүй төрсөн нэгэн юм. Арван зургаан настайгаасаа сарын тэмдгээ ирэхгүй байгаад түгшиж шинжилгээнд орсноор энэхүү умай нь хөгждөггүй өвчтэйгөө мэдэж эх хүн болох боломжгүйдээ шаналж өссөн гэдэг.

Азтай нь бүсгүй нөхөрт гарч улмаар яаж ээж болох талаараа тунгаах болж хүүхэд тээх хүсэлтэй эмэгтэйчүүдийг уулзуулдаг олон арга хэмжээнд оролцсоор 2018 онд тээгч эх Жемма Блэк хэмээх 34 настай бүсгүйтэй танилцжээ. Удаан хугацааны харилцааны дараа хосууд түүнийг өөрсдийн хүүхдийн тээгч эх болгохоор шийдэж нөхрийнх нь эр бэлгийн эсээр Киттигийн өндгөн эст үр тогтоож Жеммагийн умайд суулгаснаас хойш зургаа хоногийн дараа тест эерэг гарч гурвуул хүүхэд төрөхийг тэсэн ядан хүлээж эхэлжээ.

Байнга холбоотой байсан тэд хорио дэглэмийн үед ч утсаар холбоотой байсаар Жеммагийн хүслийн дагуу хүүхдээ гэрт нь усан сан дотор төрүүлжээ. Арван сарын 4нд мэндэлсэн хүүгээ төрсөн даруйд нь тэвэрсэн Китти бяцхан үрээ Жаспер хэмээн нэрлэсэн байна.