Монгол Улсад орчин цагийн барилгын салбар үүсэж, хөгжсөний түүхт 100 жилийн ойн баярын хурлын үеэр улс орны хөгжил дэвшил, бүтээн байгуулалт, нийгмийн сайн сайхны төлөө өөрийн хөдөлмөр, зүтгэлээ зориулан ажилласан ахмад буурлууд болон салбарын үе үеийн төлөөлөлд төрийн дээд одон, медаль, орон нутгийн шагнал гардуулах ёслол боллоо.

Шагнал гардуулах ёслолд Монгол Улсын Их Хурлын гишүүн Р.Сэддорж, Монгол Улсын Их Хурлын гишүүн, Төсвийн байнгын хорооны дарга Н.Наранбаатар, Өмнөговь аймгийн Засаг дарга Н.Энхбат болон аймгийн удирдлагууд оролцож, шагналыг гардуулан, хүндэтгэл үзүүллээ.