Уулзалтын үеэр Улсын Их Хурлаар хэлэлцэгдэж, батлагдаж буй хууль тогтоомж, төрөөс хэрэгжүүлж буй бодлого, шийдвэрийн талаар иргэдэд мэдээлэл өгч, цаг үеийн асуудлаар санал солилцов. Мөн иргэдийн санал хүсэлт, тулгамдаж буй асуудлыг сонсон, шийдвэрлэх боломж, гарцын талаар санал солилцлоо.

Булган сумын иргэдээс Даланзадгад-Булган сумыг холбосон автозамын ажлыг дуусгаж, ашиглалтад оруулахтай холбоотой саналыг гаргасан бөгөөд Улсын Их Хурлын дэд дарга Б.Пүрэвдорж уг саналыг холбогдох байгууллагад уламжилж, улсын төсөвт тусгуулах чиглэлээр ажиллахаа илэрхийлэв.