“Чингис хаан баялгийн сан нэгдэл” ХХК ногоон шилжилтийг дэмжиж, байгаль орчинд ээлтэй хөрөнгө оруулалтыг нэмэгдүүлэхээр ажиллаж байна. Энэ хүрээнд Гүйцэтгэх захирал Б.Даваадалай өнөөдөр /2026.08.24/ БНХАУ-ын Шинжлэх ухааны академийн профессор Ван И-тэй уулзлаа.

Талууд уур амьсгалын өөрчлөлтийн сөрөг нөлөөг бууруулах, тогтвортой хөгжлийг дэмжих чиглэлээр хамтарсан судалгаа, туршилтын төсөл хэрэгжүүлэх, хүний нөөцийн чадавхыг сайжруулах, стратегийн худалдан авагч болон хөрөнгө оруулагчидтай хамтран ажиллах талаар санал солилцов.

Профессор Ван И уур амьсгалын өөрчлөлт, ногоон шилжилтийн чиглэлээр БНХАУ-ын төрийн болон хувийн хэвшлийн аж ахуйн нэгжүүдийн хэрэгжүүлж буй төслүүд болон технологитой танилцахыг санал болгов. Уулзалтын үр дүнд байгаль орчинд ээлтэй хөрөнгө оруулалт, чухал ашигт малтмал, технологийн шилжилт зэрэг чиглэлээр хамтарсан төсөл хэрэгжүүлэх нөөц боломжийг судлахаар боллоо.