Өмнөговь аймаг байгуулагдсаны 95 жилийн ой, Үндэсний их баяр наадмыг 7-р сарын 7, 8, 9-ний өдрүүдэд зохион байгуулахтай холбогдуулан баяр наадмын зохион байгуулах ажлын хэсэг хуралдлаа.

Хуралдаанаар баяр наадмын бэлтгэл ажлын явц, нээлт, хаалтын арга хэмжээ, зочид төлөөлөгчдийг угтах, хурдан морины уралдаанч хүүхдийн аюулгүй байдал, нийтийн хэв журам, замын хөдөлгөөний зохицуулалт, эрүүл мэнд, онцгой байдал, худалдаа үйлчилгээ, иргэдийн ая тухтай орчныг бүрдүүлэх зэрэг бүхий л чиглэлээр авч хэрэгжүүлж буй ажлыг хэлэлцэв.

Аймгийн Засаг дарга Н.Энхбат баяр наадмыг эмх цэгцтэй, аюулгүй, иргэд олон нийт болон зочид төлөөлөгчдөд сэтгэл ханамжтай, зохион байгуулалттайгаар тэмдэглэн өнгөрүүлэхэд анхаарч, хариуцлагатай ажиллахыг ажлын хэсгийн гишүүдэд үүрэг болголоо.