Аймгийн иргэдийн Төлөөлөгчдийн Хурлын төлөөлөгчийг сонгох дахин сонгуулийн Баянхангай сумын 10 дугаар тойрогт Монгол Ардын Намаас нэр дэвшигч Сүхбаатарын Баярмаа, Ардчилсан Намаас нэр дэвшигч Гаадангийн Төгөлдөр нарт аймгийн Сонгуулийн хорооны нарийн бичгийн дарга А.Батцэцэг болон гишүүд нэр дэвшигчийн үнэмлэхийг гардуулан өглөө.

Нэр дэвшигчийг бүртгэх тухай шийдвэр гарсан бол тухайн шатны сонгуулийн хороо нэр дэвшигчийн үнэмлэхийг санал авах өдрөөс 15-аас доошгүй хоногийн өмнө нэг өдөр олгож, нийтэд мэдээлнэ.

Нэр дэвшигч нарт зориулж аймгийн Сонгуулийн хорооны Нарийн бичгийн дарга А.Батцэцэг сонгуулийн хууль, тогтоомж, сурталчилгаатай холбоотой зохицуулалт, зардлын тайлан гаргах талаар сургалт хийлээ.