МОНГОЛ УЛСЫН ЕРӨНХИЙ САЙД Н.УЧРАЛ ӨМНӨГОВЬ АЙМАГТ АЖИЛЛАЖ БАЙНА.

Монгол Улсын Ерөнхий сайд Н.Учрал Гашуунсухайт–Ганцмод хил дамнасан төмөр замын бүтээн байгуулалтын ажлын явцтай танилцаж төслийн хэрэгжилт, үйл ажиллагаатай танилцав.

Одоогийн байдлаар хил дамнасан төмөр замын бүтээн байгуулалт 33.6 хувьтай өрнөж байгаа бөгөөд энэхүү бүтээн байгуулалт ашиглалтад орсноор жилд 30 сая тонн нүүрс экспортлох тээврийн хүчин чадал бүрдэж, Монгол Улсын эдийн засагт жил бүр ойролцоогоор 1.5 тэрбум ам.долларын өгөөж бий болгох ач холбогдолтой юм.

Түүнчлэн үндэсний компаниудыг бодлогын түвшинд дэмжиж олборлолт, өрөмдлөг, тэсэлгээ, тээвэрлэлтийн үйл ажиллагааг хамтран хэрэгжүүлэхээ илэрхийллээ.

Мөн өнөөдөр Цогтцэций суманд байрлах Таван толгойн бүлэг ордын нэг Бортээгийн ордын үйл ажиллагааг эхлүүллээ.