Монгол Ардын намын дарга Н.Учрал Сүхбаатар аймгийн намын хороонд ажиллаж, гишүүд дэмжигчидтэй уулзаж намын бодлого, зорилтыг танилцуулав. 

Намын дарга хэлсэн үгэндээ МАН гишүүн төвтэй, гишүүдийн итгэл оролцоонд тулгуурласан бодлогыг дэвшүүллээ. Ардын нам ард түмэндээ эргэн ирнэ. Энэ зорилтоо хэрэгжүүлэхийн тулд анхан шатны байгууллагуудаа дэмжиж ажиллана.

"Гишүүн төвтэй E-4 стратеги"-ийг батлан хэрэгжүүлнэ. Нам нэг бодлоготой байна. Энэ бодлогыг бүх шатанд хэрэгжүүлнэ.

-Гишүүдээ хөгжүүлнэ.
-Түгээе
-Чөлөөлье
-Хариуцъя гэсэн эко системийг нэвтрүүлнэ.
Намын санхүүжилтэд хяналт тавина. Enam 3.0-ийг нэвтрүүлж хандив, татвар хураамж, санхүүжилтийн зарцуулалтыг Enam платформоор дамжуулан тайлагнана. Шүгэл үлээгчийг хамгаалж, жендэрийн бодлогыг баримтална. 360 градусын үнэлгээний системийг нэвтрүүлнэ. Намын Их хурлын дараагаар намын нэр хүнд таван хувиар өссөн үзүүлэлттэй гарсан гэдгийг онцлон дурдлаа.