УИХ-ын гишүүн, Аж үйлдвэр, эрдэс баялгийн сайд Г.Дамдинням Канадын Торонто хотноо 94 дэх жилдээ зохион байгуулагдаж буй “PDAC-2026” буюу дэлхийн уул уурхайн олон улсын чуулга уулзалтад оролцох үеэр тус улсын Эрчим хүч, байгалийн нөөцийн яамны удирдлагуудтай уулзлаа.

Уулзалтын үеэр сайд Г.Дамдинням “ Уул уурхайн салбар бол манай хоёр улсын харилцааны гол тулгуур. Цаашид уул уурхайн салбар дахь сайн засаглал, хөрөнгө оруулалтыг дэмжих, байгалийн баялгийн өгөөжийг ард иргэдэд шударгаар хүртээх бодлого хэрэгжүүлэх, аж үйлдвэржилтийг дэмжих, нэмүү өртөг шингээсэн үйлдвэрлэл хөгжүүлэхэд Канадын түншүүдтэй хамтран ажиллахад бэлэн байна” гэв.

Канад улсын талаас уул уурхайн тоног төхөөрөмж, технологи, үйлчилгээний дэлхийн томоохон ханган нийлүүлэгчийн хувьд манай улстай үйл ажиллагаагаа өргөжүүлэн хөгжүүлэх боломжтой гэдгээ илэрхийллээ.