Сумын иргэд, хөдөлмөрчидтэй уулзалт зохион байгуулж, улсын хэмжээнд болон орон нутагт хэрэгжүүлж буй хууль тогтоомж, бодлого, хөтөлбөрийн хэрэгжилт, салбар салбарт хийж гүйцэтгэсэн ажлын тайлан, цаашдын зорилт, төлөвлөгөөний талаар дэлгэрэнгүй мэдээлэл хүргэлээ.

Уул уурхай давамгайлсан бүс нутагт тулгамдаж буй асуудлууд болох тоосжилт, байгаль орчны доройтол, бэлчээрийн даац хэтрэлт, мал аж ахуйн тогтвортой байдал, малчдын амьжиргаа, нийгмийн үйлчилгээний хүртээмж зэрэг өргөн хүрээтэй сэдвээр нээлттэй ярилцаж, иргэдийн санал хүсэлт, шүүмжлэлийг бодлого, шийдвэрт тусгах талаар санал солилцлоо.