УИХ-ын гишүүн Б.Бат-Эрдэнэ Булган аймгийн Орхон, Хишиг-Өндөр, Бүрэгхангай, Дашинчилэн, Баяннуур, Рашаант, Баян-Агт, Гурванбулаг, Могод, Сайхан, Тэшиг сумдад ажиллаж, тойргийн иргэдийн санал хүсэлтийг нь сонсож, УИХ-аас баталсан хууль тогтоолын талаар мэдээлэл хүргэж ажиллаж байна.

Рашаант сумын Эрүүл мэндийн төвд өчигдөр /2026.01.14/ ажиллаж, автомашин хүлээлгэн өглөө . Баян-Агт сум нь халуун, хүйтэн, эмчилгээний халуун рашаануудаа түшиглэн аялал жуулчлалыг хөгжүүлэх боломжтойг УИХ-ын гишүүн Б.Бат-Эрдэнэ онцолсон. Мөн сумын үерийн хамгаалалтын далан, сувгийн ажил хийх 6.3 тэрбум, Хануйн гол руу цахилгаан татах 265 сая төгрөг шаардлагатай юм байна.

Сайхан сумын тухайд сургуулийн 160 хүүхдийн дотуур байрны хөрөнгө оруулалтыг 2027 оны төсөвт суулгахаа илэрхийллээ. Орхон сумын ЕБС-д 123 хүүхэд суралцдаг ч Сургуулийн барилга 1972 онд баригдсан, 2013 онд мэргэжлийн хяналтаар ашиглах боломжгүй гэж дүгнэгдсэн. Барилгын нэг талыг бүрэн хааж, үлдсэн хэсэгт нь хичээллэж байна. Иймд, 2027 оны төсөвт шинэ сургуулийн барилгын санхүүжилтийг заавал суулгах шаардлагатай. Хишиг-Өндөр суманд 11.6 тэрбум төгрөгийн сургуулийн байрыг 2027 оны төсөвт оруулахаа илэрхийлэв.

Могод сумын инженерийн шугам сүлжээ шийдэх 2.6 тэрбум төгрөг, сумын төвийн хатуу хучилттай автозам 3.6 км замын ажилд дэмжлэг үзүүлнэ. Гурванбулаг суманд Төрийн албан хаагчийн орон сууцны асуудал, болон инженерийн шугам сүлжээ зэрэг асуудлыг шийдвэрлэнэ гэв. Баяннуур суманд цэцэрлэгийн барилгын өргөтгөлийг барих нэн шаардлагатай байгааг хэллээ.

УИХ-ын гишүүн Б.Бат-Эрдэнэ Булган аймгийн 16 сум, тосгонд ажиллаж, малчид, ард иргэдтэй уулзаж, санал бодлыг нь сонсож, дээрх болон бусад тулгамдсан асуудлыг шийдвэрлэн ажиллаж байна.