Жил бүр уламжлал болгон зохион байгуулагддаг “Сайханы сарлаг”-ын баярыг энэ жил 11 дэх удаагаа амжилттай зохион байгуулж байна. Аймгийн хэмжээнд 8 сумын 50 өрх 1000 гаруй сарлаг үхрийг өсгөн үржүүлж байна. Гурвансайхан уулын унаган байгальд зохицон амьдардаг сарлаг үхрийн мал маллагааны уламжлалт арга ухаан, өв соёл, зан үйлийг залгамжилж яваа малчин ард түмний дунд тэмцээн уралдаан зохион байгуулж дотоод гадаадын аялагчдын сонирхлыг татах, хойч үедээ таниулах сурталчлах зорилготой арга хэмжээ өргөн дэлгэр болж байна.