Connect with us

👁Мэдээ мэдээлэл👁

ЭРҮҮЛ МЭНД

Хэвлэл мэдээллийн ажилтан, сэтгүүлч нарт зориулсан сургалт зохион байгууллаа

Зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэх үзлэг, оношилгоо, шинжилгээнд нийт хүн амыг хамруулах талаар хэвлэл мэдээллийн ажилтан, сэтгүүлч нарт зориулсан сургалт зохион байгууллаа. Сургалтад хэвлэл мэдээллийн байгууллагын 60 гаруй ажилтан, сэтгүүлч нар хамрагдав.

Сургалтаар урьдчилан сэргийлэх, эрт илрүүлэх үзлэг, шинжилгээ, оношилгооны ач холбогдол, хүрэх үр дүн, зонхилон тохиолдох халдварт болон халдварт бус өвчний өнөөгийн байдал, хяналт, урьдчилан сэргийлэлт, эмнэлгийн тусламж үйлчилгээний зохион байгуулалт болон эрүүл мэндийн салбарын цахим шинэчлэл зэрэг сэдвүүдээр илтгэл презентаци танилцуулж, ЭМЯ болон харьяа эрүүл мэндийн байгууллагын холбогдох мэргэжлийн хүмүүс сургалтыг удирдан явууллаа.

Хүн амын дунд өвчлөл, нас баралтад хүргэж байгаа зонхилон тохиолдох өвчин эмгэгийг эрт илрүүлэн, оношилж цаашид даамжруулахгүй эмчлэх нь өвчний хүндрэл, нас баралтаас сэргийлэх, өвчний хожуу үе шатанд гарах эмчилгээний өндөр зардал, эмнэлгийн ачааллыг бууруулах чухал ач холбогдолтой юм. Цаашид хүн амын дунд зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэх үзлэг, шинжилгээ, оношилгоог оновчтой, хүнд ээлтэй, нэгдсэн зохион байгуулалттай хэрэгжүүлэх нь нэн чухал тул уг зорилтын хүрээнд холбогдох журам, зохицуулалтыг шинэчилж байна.

Энэ нь хүн бүрт эрүүл мэндийн тусламж, үйлчилгээг авах тэгш боломж олгох, иргэдийн оролцоотой сонголтыг бий болгож, эрүүл мэндийн эрсдэлийн  үнэлгээнд хувь хүний оролцоог нэмэгдүүлж, нотолгоонд суурилсан сонголтыг хийх зохицуулалтыг оруулснаар шаардлагагүй оношилгоо, шинжилгээний тоог бууруулахад  эерэг нөлөөтэй байх болно.

Сэтгэгдэл бичих
0 0 votes
Article Rating
guest
0 Comments
Inline Feedbacks
View all comments
📈
📈

БУСАД МЭДЭЭ

НИЙГЭМ

Загвар өмсөгч С.Эрдэнэцогтыг Солонгосын кино од, бидний “Мөрөөдлийн байшин” цуврал киногоор нь эчнээ мэдэх жүжигчин Рэйнтэй усны дусал мэт адилхан гэж ярихыг, харьцуулсан зургийг...

НИЙГЭМ

Үзэгч олны сэтгэлд хоногшсон, 1963 онд дэлгэцийн бүтээл болсон нэрт зохиолч Чадраабалын Лодойдамба агсны зохиол, кино найруулагч, урлагийн гавьяат зүтгэлтэн Р.Доржпалам гуайн найруулсан “Энэ...

НИЙГЭМ

Ачлал Их дэлгүүрийн эзэн бидний мэдэх М.Билэгт түрээслэгчдийнхээ төлбөрийг 100% чөлөөлжээ.

НИЙГЭМ

“Танайд хоноё” нэвтрүүлгийн оролцогчоор орж олны танил болсон С.Дэлгэр цахим хуудсандаа нэлээд бухимдсан сэтгэгдэл бичжээ. Тэрээр: Энэ арай хэтэрнэ ээ! Ийм үндэсний үйлдвэрийг дэмжихгүй...