Таны тусалж, тусламж үзүүлж дуудлага өгсөн хүнд ЯТТ цаг алдалгүй үзүүлж чадвал нэг ч гэсэн аав ээжүүд үр хүүхэдтэйгээ, нэг ч гэсэн гэр бүл, бяцхан үрс элэг бүтэн амьдрах юм гэдгийг ойлгоосой МОНГОЛчуудаа

Өнөөдөр 2021.10.15 өдөр 16.20мин орчим багшийн дээдийн баруун талын саадаар алхаж явахад саадны баруун урд хэсэгт доошоо түрүүлгээ хараад хэвтэж байгаа хүн харагдав. Урд явсан 2-3 хүн хажуугаар нь хараад дайжаад өнгөрөв ойртож очоод үзэхэд огт хөдөлгөөнгүй эрэгтэй хүн хэвтэж байлаа. Хажуугаар нь яаж зүгээр өнгөрч чадахав сэрээх гэж дуудахад орчиндоо харьцаагүй, өвдөлтөнд хариу урвалгүй, захад зүрхний цохилт сул амнаас нь архи үнэртсэн, амаар нь дүүрэн бөөлжис болсон байлаа. Намайг очихоос өмнө хэр удаан хэвтсэнийг таашгүй. Хүнээ үнэлээд хажуугын тогтворжуулах байрлалд оруулан 103т яаралтай /Тархины цус харвалт, осголт, архины хордлого/ дуудлага өгчихөөд анхны үзлэг хийж 103 ирэх энэ хугацаанд хэдэн ч хүн хажуугаар өнгөрснийг бүү мэд бүгд хурдан хурдан алхаж надад хамаагүй, энэ залуу цохиод унагачиж, хамт яваа хүн нь юм байхдаа гэсэн харцаар харж өнгөрөх жишээтэй надад туслах нэг ч хүн байсангүй….