Connect with us

👁Мэдээ мэдээлэл👁

НИЙГЭМ

Б.Мөнхцэлмэг: Өчигдөр талийгаачийн 49 хоног нь дууссан ба өнөөдөр хоёр дүүдээ байрных нь түлхүүрийг гардуулж өглөө

“Бид уучлахгүй” хөдөлгөөний тэргүүн Б.Мөнхцэлмэг өнчирч хоцорсон ах дүү хоёрт орон сууцанд оруулах хандив эхлүүлж байсан цаг саяхан…  Биелэлээ олсон сайхан мэдээг дуулгажээ. 
Б.Мөнхцэлмэг цахим хуудсандаа: Сайхан мэдээ дуулгая
Та бүхнийхээ дэмжлэгээр нөгөө хоёр дүүгээ Вива сити хотхонд 30.3мкв 1 өрөө байртай болголоо. Ээжийгээ хавдартай байхад ажил хийж эм тариаг нь залгуулдаг байсан ажилсаг хүү О.Баяншанд, эмнэлэгт сахиж өдөр шөнөгүй асардаг байсан хэрсүү охин О.Буяншанд нар айлаас айлын хашаа дамжин амьдардаг бсан үе нь дурсамж болон үлдэж өнөөдрөөс эхлээд өөрийн гэсэн өмч хөрөнгө амьдрах орон сууцтай боллоо.
Өчигдөр талийгаачийн 49 хоног нь дууссан ба өнөөдөр хоёр дүүдээ байрных нь түлхүүрийг гардуулж өглөө. Хандивын аян эхлүүлснээс хойш нийт 48.4 сая төгрөг цугласнаас орон сууцыг 45 саяар худалдан авсан.
Үлдсэн 3.4 саяар засвар болон айл гэр болоход шаардлагатай бусад эд зүйлс худалдан авч зарцуулсны дараа үлдэгдлийг 2 дүүд өгнө. Хандивын аян эхлүүлснээс хойш талийгаачийн талаас хамгийн их түшиг тулгуур болж данс тооцоог хариуцлагатай найдвартай барьж тусалсан бэр эгч А.Сувдаа, хоёр дүүгийн сургуулийн хамт олон, багш нар, эцэг эхчүүдийн төлөөлөл, Даваадулам эгч, Амарбаяр, Мишка, Экү, Амарболд, Хангал нартаа хандивын аяны хугацаанд хамгийн сайн тууштай хамтрагч нар минь байсанд баярлалаа.
Мөн Аавуудын группын админ Цэндээ болон группын бусад гишүүддээ, Playhouse хэрэгцээт барааны группын админ Энхжаргалдаа, 1 сарын цалингаа хандивлаж бусдыг уриалж өгсөн УИХ гишүүн Т.Доржханд, дүүргээс хамаарах бүхий л тусламж үйлчилгээг түргэн шуурхай үзүүлсэн ХУД Засаг дарга Ж.Алдаржавхлан, Г.Батсайхан, зохиолын дуучин Амартүвшин, Масс ТВ, NTV, TV9, Tovch mn болон ХАМГИЙН ГОЛ НЬ ХАНДИВЫН ГАРАА ХАРАМГҮЙ СУНГАСАН НИЙТ МОНГОЛЫН АРД ТҮМЭНДЭЭ ОНЦГОЙЛОН маш их баярлалаа.
Хоёр дүү цаашид хэрхэн амьдрах вэ гэж та бүхэн бодож буй байх. Бид байнгын тогтмол харилцаатай байж эргэж тойрч тусална. Мөн ээжийнх нь төрсөн ах (нагац) хамтран амьдарч амьдралын зардлыг нь хариуцна. Тогтсон ажил төрөлтэй 60 дөхсөн насны ах байгаа. Мөн вива сити хотхоны СӨХ О.Баяншандыг насанд хүртэл төлбөр авахгүй байхаар шийдэж СӨХ-н төлбөрийг тэглэсэн.
Иргэдээс дараа нь орон сууцыг нь зарчихвий, үрчихвий гэж хүмүүс их санаа зовж одоо ч анхааруулсаар байна. Бид хандивын аян эхлэхэд анхаасаа хэлж байсанчлан О.Баяншандыг 18 нас хүртэл орон сууцны гэрчилгээг зарах, хөдөлгөх боломжгүйгээр барьцаалбар хийж түгжиж байгаа. Нагац ах ч өөрөө нас тогтсон найдвартай байрын хүн байна лээ дээ. Гэхдээ нийт ард түмний хандив учраас зайлшгүй хариуцлагатай хандаж хоёр дүүг насанд хүртэл нь барьцаалбар тэмдэглүүлнэ.
Нийгмийн ажил хийхэд туслаад нэмэргүй хүмүүс, туслачихсан байхад өөрсдийгөө аваад явчихаар хүмүүс гэж хоёр янз байдаг юм билээ. Энэ хоёр хүүхэд бол энэ тусыг хүргэчихсэн байхад цаашдаа өөрсдийгөө аваад явчихаар арчаатай, хүмүүжилтэй, хандлага зөвтэй өсөн дэвжих хөөрхөн хүүхдүүд байна лээ.
Ээж нь хоёр хүүхдээ тэнгэрээс хараад бага ч гэсэн санаа нь тайвширч байгаа байхдаа.
“Туслаж дэмжсэн та бүхэндээ аз жаргал сайн сайхныг хүсье” гэжээ.

Сэтгэгдэл бичих
0 0 vote
Article Rating
guest
0 Comments
Inline Feedbacks
View all comments
📈
📈

БУСАД МЭДЭЭ

НИЙГЭМ

Загвар өмсөгч С.Эрдэнэцогтыг Солонгосын кино од, бидний “Мөрөөдлийн байшин” цуврал киногоор нь эчнээ мэдэх жүжигчин Рэйнтэй усны дусал мэт адилхан гэж ярихыг, харьцуулсан зургийг...

НИЙГЭМ

Чингэлтэй дүүргийн 16 хорооны оршин суугч Ц.Нарангэрэлийнх ам бүл 10уулаа бөгөөд тэд хөл хорионы үеэр 3 сая төгрөг авсан ч 28 хоногт хүрэхгүй байна...

НИЙГЭМ

Үзэгч олны сэтгэлд хоногшсон, 1963 онд дэлгэцийн бүтээл болсон нэрт зохиолч Чадраабалын Лодойдамба агсны зохиол, кино найруулагч, урлагийн гавьяат зүтгэлтэн Р.Доржпалам гуайн найруулсан “Энэ...

НИЙГЭМ

Ачлал Их дэлгүүрийн эзэн бидний мэдэх М.Билэгт түрээслэгчдийнхээ төлбөрийг 100% чөлөөлжээ.